كيف تصبح شخص اجتماعي

فيه ناس كتير بتقابل مشكلة ان هما ازاي

يتعاملوا مع الناس بشكل يخليهم مقبولين اجتماعيا بالنسبالهم

عشان كدة هقولكم شوية نصائح تنموا بيها المهارة دي

1- خلي دايما في دماغك ان عندك مهمة وهى

انك تبقى شخص اجتماعي و ده اهم شئ قبل اي

نصيحة تانية

2-زود معلوماتك و مخزونك الثقافي 

عشان يبقى عند القدرة انك تكلم في مواضيع مختلفة

3-الابتسامة ليها مفعول السحر انت ممكن تكسب كل اللي حواليك بالابتسامة

4-خلي اللي قدامك هو اللي يبتدي الكلام لان بالطريقة دي هتعرف المواضيع اللي بيهتم بيها و بالتالي هيشعر بارتياح

5-متحاولش تتناقض مع الناس في اول مرة تتعرف عليهم فيها

لان ده هيؤدي الى انهم يرفضوك اقبلهم في البداية

و اتجنب المواضيع الجدلية

6-متصدقش اللي يقولك (ان ده طبعك و ان ده اريحلك) 

المثل بيقول: الجنة من غير ناس ما تنداس

7-خلي اللي قدامك يشعر بلتميز لما يتكلم معاك للمرة الاولى و التانية و العاشرة و الالف

8-متخافش من الناس لانهم مش هياذوك زي ما انت ما متخيل الفرح قائم على معرفتهم لكن الحزن قائم عليهم و عليك

9-متتردش في دعوة الناس انهم يشاركوك حاجة انت بتحبها  مثلا تسمعوا اغنية سوا او تقرأو كتاب سوا او حتى تتفرجوا على حاجة في التلفيزيون سوا

الانسان كائن اجتماعي عشان كدة خليك عارف ان مفيش اسهل من انك تكون انسان اجتماعي لانها ببساطة فطرة ربنا خلقك عليها